भारत की संस्कृति के लिए... भाषा की उन्नति के लिए... साहित्य के प्रसार के लिए
इण रम्मत में / सांवर दइया
Kavita Kosh से
Neeraj Daiya (चर्चा | योगदान) द्वारा परिवर्तित 02:34, 27 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=सांवर दइया |संग्रह=आखर री आँख सूं / सांवर दइया }} [[Ca…)
म्हैं जीतूं अर तूं हारै
का पछै
तूं जीतै
अर म्हैं हारूं
तो इण सूं कांई फरक पड़ै ?
सुण म्हारी मरवण !
आपणै बिच्चै
हार-जीत रा दावा ई बिरथा
तूं जीतणी चावै
तो जीत भलांई नित
म्हनै तो हार कबूल रोजीनै
म्हैं जाणू
इण रम्मत में
हार ई जीत है !
