भारत की संस्कृति के लिए... भाषा की उन्नति के लिए... साहित्य के प्रसार के लिए
थांनै सिमरां थांनै घ्यावां / सत्येन जोशी
Kavita Kosh से
Neeraj Daiya (चर्चा | योगदान) द्वारा परिवर्तित 03:51, 1 फ़रवरी 2011 का अवतरण (नया पृष्ठ: {{KKGlobal}} {{KKRachna |रचनाकार=सत्येन जोशी |संग्रह= }} Category:मूल राजस्थानी भाषा {{K…)
थांनै सिमरां थांनै घ्यावां
थांरा ई थांरा जस गावां
म्हां हां पान लाजवंती रा
थां रै परस बिना कुमळावां
जद जद थांरी औळू आवै
कुरजां रा चितराम कुरावां
थां बिन कठै आवड़ै पल भर
आखी उमर कठै बौळावां
जूना कागद हां फाटौड़ा
चेपा दे दे काम चलावां
जुड़ जावै टूटोड़ौ दरपण
तेड़ां नै कीकर बूरावां
जे सैं मारग व्है रूध्योड़ा
पितरां री डांडी बण जावां
