भारत की संस्कृति के लिए... भाषा की उन्नति के लिए... साहित्य के प्रसार के लिए
स्यात लिखै जीसा / नीरज दइया
Kavita Kosh से
Neeraj Daiya (चर्चा | योगदान) द्वारा परिवर्तित 04:16, 19 फ़रवरी 2011 का अवतरण (नया पृष्ठ: {{KKGlobal}} {{KKRachna |रचनाकार=नीरज दइया |संग्रह=साख }} Category:मूल राजस्थानी भाषा …)
म्हैं कोटगेट सूं
अलेखूं वळा निकळ्यो
जीसा ई निकळ्या हा
पण म्हां नीं लिखी कोई कविता-
कोटगेट री ।
कविता में फगत
कोटगेट कोटगेट रो नांव आवण सूं
नीं बणै कविता-
कोटगेट री ।
किणी कवि सूं
कोटगेट आज तांई नीं बोल्यो-
लिखण सारू कविता-
कोटगेट री ।
जीसा रै लारै
बांटती बगत पातळां
टाळी ही पातळ-
कोटगेट री ।
बीकानेर रै च्यारूं दरवाजां सागै
अबै बंतळ करैला जीसा
बामण नै दियोड़ा
पोथी-पानड़ा अर पेन सूं
स्यात कविता लिखैला जीसा !
