श्री राम चंद्र कृपालु भजमन

श्री राम चंद्र कृपालु भजमन हरण भव भय दारुणम् |

नव कंज लोचन कंज मुख कर कंज पद कंजारुणम् ||

कंदर्प अगणित अमित छवि नव नील नीरज सुन्दरम् |

पट पीत मानहु तड़ित रूचि शुचि नौमि जनक सुतावरम् ||

भज दीन बन्धु दिनेश दानव दैत्य वंश निकंदनम् |

रघुनंद आनंद कंद कौशल चंद दशरथ नन्दनम् ||

सिर मुकुट कुंडल तिलक चारु उदारु अंग विभूषणम् |

आजानु भुज शर चाप धर संग्राम जित खर - दूषणम् ||

इति वदति तुलसीदास शंकर शेष मुनि मन रंजनम् |

मम हृदय कंज निवास कुरु कामादि खल दल गंजनम् ||

मनु जाहि राचेऊ मिलिहि सो बरु सहज सुंदर सावरो |

करुना निधान सुजान शील सनेह जानत रावरो ||

एहि भांति गौरि असीस सुनि सिय सहित हिय हरषी अली |

तुलसी भवानी पूजि पुनि पुनि मुदित मन मन्दिर चली ||

जानि गौरि अनुकूल, सिय हिय हरषु न जाय कहि |

मंजुल मंगल मूल, बाम अंग फरकन लगे ||