भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली पद 91 से 100 तक/पृष्ठ 7
Kavita Kosh से
Dr. ashok shukla (चर्चा | योगदान) द्वारा परिवर्तित 16:43, 31 मई 2011 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास |संग्रह= गीतावली/ तुलसीदास }} {{KKCatKavita}} [[Category…)
097.
रागकेदारा
लेहु री! लोचननिको लाहु |
कुँवर सुन्दर साँवरो, सखि सुमुखि ! सादर चाहु ||
खण्डि हर-कोदण्ड ठाढ़े, जानु-लम्बित-बाहु |
रुचिर उर जयमाल राजति, देत सुख सब काहु ||
चितै चित-हित-सहित नख-सिख अंग-अंग निबाहु |
सुकृत निज, सियराम-रुप, बिरञ्चि-मतिहि सराहु ||
मुदित मन बरबदन-सोभा उदित अधिक उछाहु |
मनहु दूरि कलङ्क करि ससि समर सूद्यो राहु ||
नयन सुखमा-अयन हरत सरोज-सुन्दरताहु |
बसत तुलसीदास-उरपुर जानकीकौ नाहु ||
