भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली पद 91 से 100 तक/ पृष्ठ 2
Kavita Kosh से
Dr. ashok shukla (चर्चा | योगदान) द्वारा परिवर्तित 17:06, 31 मई 2011 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास |संग्रह= गीतावली/ तुलसीदास }} {{KKCatKavita}} [[Category…)
092.रागटोड़ी
मुनि-पदरेनु रघुनाथ माथे धरी है |
रामरुख निरखि लषनकी रजाइ पाइ,
धरा धरा-धरनि सुसावधान करी है ||
सुमिरि गनेस-गुर, गौरि-हर भूमिसुर,
सोचत सकोचत सकोची बानि धरी है |
दीनबन्धु, कृपसिन्धु साहसिक, सीलसिन्धु,
सभाको सकोच कुलहूकी लाज परी है ||
पेखि पुरुषारथ, परखि पन, पेम, नेम,
सिय-हियकी बिसेषि बड़ी खरभरी है |
दाहिनोदियो पिनाकु, सहमि भयो मनाकु,
महाब्याल बिकल बिलोकि जनु जरी है ||
सुर हरषत, बरषत फूल बार बार,
सिद्ध-मुनि कहत, सगुन, सुभ घरी है |
राम बाहु-बिटप बिसाल बौण्ड़ी देखियत,
जनक-मनोरथ कलपबेलि फरी है ||
लख्यो न चढ़ावत, न तानत, न तोरत हू,
घोर धुनि सुनि सिवकी समाधि टरी है |
प्रभुके चरित चारु तुलसी सुनत सुख,
एक ही सुलाभ सबहीकी हानि हरी है ||
