भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 50 से 60/पृष्ठ 3
Kavita Kosh से
Dr. ashok shukla (चर्चा | योगदान) द्वारा परिवर्तित 17:41, 4 जून 2011 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास |संग्रह= गीतावली/ तुलसीदास }} {{KKCatKavita}} [[Category…)
(52)
जननी निरखति बान-धनुहियाँ |
बार-बार उर नैननि लावति प्रभुजूकी ललित पनहियाँ ||
कबहूँ प्रथम ज्यों जाइ जगावति कहि प्रिय बचन सँवारे |
उठहु तात! बलि मातु बदनपर, अनुज-सखा सब द्वारे ||
कबहूँ कहति यों, बड़ी बार भै, जाहु भूप पहँ, भैया |
बन्धु बोलि जेंइय जो भावै, गई निछावरि मैया ||
कबहूँ समुझि बन-गवन रामको रहि चकि चित्र लिखी-सी |
तुलसिदास वह समय कहेतें लागति प्रीति सिखी-सी ||
