भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 81 से 89/पृष्ठ 7
Kavita Kosh से
Dr. ashok shukla (चर्चा | योगदान) द्वारा परिवर्तित 15:41, 5 जून 2011 का अवतरण (नया पृष्ठ: {{KKGlobal}} {{KKRachna |रचनाकार=तुलसीदास |संग्रह= गीतावली/ तुलसीदास }} {{KKCatKavita}} [[Category…)
(87)
राघौ! एक बार फिरि आवौ |
ए बर बाजि बिलोकि आपने, बहुरो बनहि सिधावौ ||
जे पय प्याइ, पोखि कर-पङ्कज, बार-बार चुचुकारे |
क्यों जीवहिं, मेरे राम लाड़िले! ते अब निपट बिसारे ||
भरत सौगुनी सार करत हैं, अति प्रिय जानि तिहारे |
तदपि दिनहिं दिन होत झाँवरे, मनहु कमल हिम-मारे ||
सुनहु पथिक! जो राम मिलहिं बन, कहियो मातु-सँदेसो |
तुलसी मोहि और सबहिनतें इन्हको बड़ो अँदेसो ||
