भारत की संस्कृति के लिए... भाषा की उन्नति के लिए... साहित्य के प्रसार के लिए
सातवौ फेरौ / अर्जुनदेव चारण
Kavita Kosh से
आशिष पुरोहित (चर्चा | योगदान) द्वारा परिवर्तित 13:53, 24 नवम्बर 2011 का अवतरण ('{{KKGlobal}} {{KKRachna |रचनाकार=अर्जुनदेव चारण |संग्रह=घर तौ एक ना...' के साथ नया पन्ना बनाया)
आखै कडूम्बै सांम्ही
म्हारौ बाप
करियौ म्हारौ दांन
आप दयाळू
करी किरपा
म्हनै अंगेजण री
नींतर आज रै जमानै
कुण लेवै दांन
आपरौ ओ ऐसांन
नीं भूलैला कडूम्बौ
नीं भूलूंला म्हैं
आप रै पांण
बांटीजी बधाइयां म्हारै आंगणै
ओ आंगणौ
जुगो जुग गावैला आपरौ जस
आप चावौ जणै
फैंक सकौ
दांन लियोड़ी चीज बारै
ओ आपरौ हक है
लौ
म्हैं
सातवौ फेरौ लेवूं
