काल-तुला / रामदेव झा

पछिलाक पलड़ा जकाँ अछि
भूत केर आयाम
जहि पर
लादल अनेको बटखरा सभ
भाँति-भाँतिक
छोट-मध्यम, और बड़का
जीवनक भोगल क्षणक आ
अतीतक घटनावनी केर।

अगिलका पलड़ा जकाँ अछि
भविष्यक आयाम
जाहि पर लादल-अटेंगल
अनागति केर ढेरी-
जाहि दिस औत्सुक्य भावें
दृष्टि लागल नित्य।
काँट निकुतिक
बनल अछि ई

वर्तमान निमेष-
बीतल क्षण केर बाद
ओ पुनि
अनागतसँ पूर्व
ओ अपन अस्तित्व मात्रक
दैत अछि संकेत-