भारत की संस्कृति के लिए... भाषा की उन्नति के लिए... साहित्य के प्रसार के लिए
माटि आ मोज़ाइक / कीर्तिनारायण मिश्र
Kavita Kosh से
सशुल्क योगदानकर्ता २ (चर्चा | योगदान) द्वारा परिवर्तित 08:02, 4 जून 2013 का अवतरण ('{{KKGlobal}} {{KKRachna |रचनाकार=कीर्तिनारायण मिश्र |संग्रह= }} {{KKCatKav...' के साथ नया पन्ना बनाया)
जखन तखन अहाँ हमरा लग अबि कए
आँखि नींचा कए
भ’ जाइत छी ठाढ़ि आ’ पैरक आंगुरसँ
नोच’ लगैत छी फर्श
कतेक लाल भ’ जाइत अछि
अहाँ केर न’ह
किछु तँ बुझियौ
ई गामक नरम-कोमल माटि नहि
मोज़ाइक अछि
तरबा केर नीचा मे।
