भारत की संस्कृति के लिए... भाषा की उन्नति के लिए... साहित्य के प्रसार के लिए
विद्यापतिक चटनी / पूर्णेन्दु चौधरी
Kavita Kosh से
सशुल्क योगदानकर्ता २ (चर्चा | योगदान) द्वारा परिवर्तित 07:16, 5 जून 2013 का अवतरण ('{{KKGlobal}} {{KKRachna |रचनाकार=पूर्णेन्दु चौधरी |संग्रह= }} {{KKCatKavita...' के साथ नया पन्ना बनाया)
शिक्षित लोकसभ
आदिवासीक सुधंगपनीक
फायदा उठा क’
करैत रहल ओकर शोषण
मुदा, ओ सभ नहि छोड़लक
अपन गीत
अपन संस्कार
अपन भाखा।
मैथिलमे
जेना-जेना होइत गेल
शिक्षाक प्रसार
तेना-तेना लजाए लागल
अपन गीतसँ
अपन सस्कारसँ
अपन भाखासँ
मुँहक स्वाद बदल’ लेल
खा लैत अछि वर्षमे एक बेर
विद्यापतिक चटनी।
