भारत की संस्कृति के लिए... भाषा की उन्नति के लिए... साहित्य के प्रसार के लिए
कुहेसक अन्हार / अग्निपुष्प
Kavita Kosh से
सशुल्क योगदानकर्ता २ (चर्चा | योगदान) द्वारा परिवर्तित 08:50, 6 जून 2013 का अवतरण ('{{KKGlobal}} {{KKRachna |रचनाकार=अग्निपुष्प |संग्रह= }} {{KKCatKavita}} {{KKCatMaithi...' के साथ नया पन्ना बनाया)
नदीक एक कछेड़मे
थमकल तों नाह आ
दोसर कछेड़ पड़ल हम पतवार
हमरा तोरा बीचमे
पसरल अइ कुहेसक अन्हार
जतबे लागीच देख’ चाहैत छी
हम अपन दुनू हाथ
ततबे फराइ अइ
जेना हो बरेड़ी आ चिनवार,
अन्तहीन यात्राक
निस्तब्ध सड़क हम
आ तों क्रूर सवार
कतबो ढेहु उठए
नइं भेटल-ए सागरक तलमे
नेहसँ गढ़ल तोहर आकार
राजमुकुटक उच्चाकांक्षी तों
आ हम सिंहासनक पहरेदार
साज ओहिना सजौल अइ
मात्र टूटल अइ संवादक सितार
आसक पलाश हम
आ तों ऊसर पहाड़
