बलिदानी कुंवर सिंह / भुवनेश्वर प्रसाद श्रीवास्तव ‘भानु’

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

भुवनेश्वर प्रसाद श्रीवास्तव ‘भानु’ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

रन से बन ले अमर गगन में,
गुंजत इहे कहानी बा।
एह सुराज के ताज पहिलका,
कुंवर सिंह बलिदानी बा।
जेकर बलि बिरथा ना भारत,
माई फिर महरानी बा।
रंग तिरंगा बीच केशरिया,
लहरत अमर निशानी बा।
लहू लेपले लाल सुरूज ई,
ढ़ाल जेकर मरदानी बा।
जेकरा जस के हँस- हँस हरदम,
चन लुटावत चानी बा।
खड़ा हिमालय छाती तनले,
आन जेकर अभिमानी बा।
धहरत रोज समुन्दर अन्दर,
जेकर जोस तूफानी बा।
धरती में बा खून-पसेना,
चल पवन मस्तानी बा।
तेगा-गरज बज्जर बदरी में,
बिजली खड़ग पुरानी बा।
महामाया के रथ ई लप्प-लप्प,
तरकस तीर कमानी बा।
जेकरा भुजके बल से अब ले,
गंगा बीच रवानी बा।