भारत की संस्कृति के लिए... भाषा की उन्नति के लिए... साहित्य के प्रसार के लिए
कृष्ण कन्हइया मोरा संग के खेलवना / महेन्द्र मिश्र
Kavita Kosh से
Sharda suman (चर्चा | योगदान) द्वारा परिवर्तित 23:19, 11 अक्टूबर 2013 का अवतरण ('{{KKGlobal}} {{KKRachna |रचनाकार=महेन्द्र मिश्र |अनुवादक= |संग्रह=...' के साथ नया पन्ना बनाया)
कृष्ण कन्हइया मोरा संग के खेलवना
कि हमनी के तेजि के कहाँ गइलें हो लाल।
जो हम जनितीं श्याम होइहें निरमोहिया
त काहे के सनेहिया लगइतीं हो लाल।
जो हम जनितीं स्याम कूबड़े पर राजी
त कूबड़े बनइतीं दुई चारी हो लाल।
जब जब सुध आवे सँवली सुरतिया
त हनी हनी लागेला कटरिया हो लाल।
कूबड़ी जोगिनीयाँ राम भइली सवतिया
से हमरा करेजऊ के फँसवली हो लाल।
कहत महेन्दर स्याम कइलें अनरीतिया
कि नेहिया लगा के दगा दीहलें हो लाल।