भारत की संस्कृति के लिए... भाषा की उन्नति के लिए... साहित्य के प्रसार के लिए
नींद अर बातां / अर्जुनदेव चारण
Kavita Kosh से
Sharda suman (चर्चा | योगदान) द्वारा परिवर्तित 11:46, 15 अक्टूबर 2013 का अवतरण
जुगो जुग सूं
दादी नानी री
बातां अर टाबरां री नींद
नींद सूं बातां रौ सगपण
कुण करायौ मां
बडेरां रै गुंथीयोड़ै
इण जाळ नै लेय
बैठ गियौ म्हारौ बाप
लाड लडावतौ
सुणावण थनै
चक्रव्यूह रौ भेद
वो जाणतौ हौ
थनै नींद आवैला
अधूरौ ज्ञान
काळ रौ बेली होवै मां,
जूंझारा जोधां री
ऐड़ी पुन्याई
म्हनै मती सूंप
म्हारी मौत री जिम्मेदार
अबै
थूं मती बण
