मिनख घट्या-सै‘र बध्यो / शिवराज भारतीय

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

शिवराज भारतीय » उजास रा सुपना »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

सै‘र बध्यो
गांव घट्या
गुवाड़ घट्या
मेळ घटी
मिलाप घट्यो
अपणायत अर हेज घट्यो
सै‘र बध्यो।
मांचा घट्या
मुड्डा घट्या
पिड्डा घट्या
पाटड़ा घट्या
कुर्सी बधी
मेज बधी
सोफा बध्या
बैड बध्यो
सै‘र बध्यो
साफा घट्या
पगड़ी घटी
धोती अर अंगरखी घटी
बेस घट्या
लाज घटी
देख रो दिखावो बध्यो
सै‘र बध्यो
खेत घट्या
दरखत घट्या
करसा घट्या
कारीगर घट्या
मील बधी
मजूर बध्या
मैंणिया चुगता टाबर बध्या
सै‘र बध्यो
रीत घटी
गीत घट्या
प्रीत घटी
मीत घट्या
मिनख घट्या
आबादी बधी
दोगलोपण दुराव बध्यो
सै‘र बध्यो।