भारत की संस्कृति के लिए... भाषा की उन्नति के लिए... साहित्य के प्रसार के लिए
किरकेट रो जोस / शिवराज भारतीय
Kavita Kosh से
Sharda suman (चर्चा | योगदान) द्वारा परिवर्तित 10:21, 20 अक्टूबर 2013 का अवतरण
जंगळ में भी खूब चढ़यौ है
अब किरकेट रो जोस
रोटी-पाणी खाणो-दाणो
भूल्या सगळा होस।
जद देखो तद गादड़ भाई
कमेंटरी गुंजावै
आखै दिन टी.वी. रै आगै
शेरसिंह जी पावै।
गधेलाल जी नै बुलवायो
खेलां म्हारा मीत
बै बोल्या म्हैं खेल नीं जाणूं
म्हैं सीखूं संगीत।
बांदर भालू हाथी भैया
मिलनै टीम बणाई
बारी बंटै खेलां सगळा
रोद न खावां भाई।
हाऊ लूंकड़ी बैट सम्हाळयां
इतरांती सी मुळकी
उणरै बैट सूं आई दड़ी नै
बंटी बांदर लपकी।
बोलिंग करतो हाथी दादो
विकेट उडाया च्यार फटाईफट
समेटी पारी बल्लो पकड़यो जा‘र।
ऊंट रै साथै मिळनै खेल्या
चौका-छक्का मारया
भाज-भाज नै रन बटोर्या
कर दिया वारा न्यारा।
