भारत की संस्कृति के लिए... भाषा की उन्नति के लिए... साहित्य के प्रसार के लिए
सत, चित, आणंद / कन्हैया लाल सेठिया
Kavita Kosh से
आशिष पुरोहित (चर्चा | योगदान) द्वारा परिवर्तित 22:59, 28 नवम्बर 2013 का अवतरण ('{{KKGlobal}} {{KKRachna |रचनाकार=कन्हैया लाल सेठिया |संग्रह=हेमा...' के साथ नया पन्ना बनाया)
लटकै
सिसटी रा असंख पिंड
एक दूसरै रै खिंचाव पाण
अधर बंब,
दीखतै सूरज स्यूं केई पिंड
घणा टणका
केई अणु स्यूं भी सुछम
आं पिंडा में एक पिंड
राई जती’क धरती
जकी री छाती पर हिमाळो
बारोकर मोटा समन्दर
पण सगळां स्यूं बड़ी बात
इण धरती री जीवा जूण में
बो मिनख
जकै नै निजरो बोध
पण जका मानलै
देही नै ही साच
बै भाजै भोगां रै लार
जका सिलगावै तिसणा री लाय
पण जका ग्यानी
बै जाणै काया आतमा रो खोखो
कोनी खावै धोखो
बां री दीठ
अणभूतै
किरिया रो कारण चेतण
जकै रो सभाव
सत, चित, आणंद !
