Last modified on 28 नवम्बर 2013, at 23:28

जीव दया / कन्हैया लाल सेठिया

आशिष पुरोहित (चर्चा | योगदान) द्वारा परिवर्तित 23:28, 28 नवम्बर 2013 का अवतरण ('{{KKGlobal}} {{KKRachna |रचनाकार=कन्हैया लाल सेठिया |संग्रह=हेमा...' के साथ नया पन्ना बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

नहीं हुवै चमचेडां नै अबखाई
इण खातर
जीव दया पालणियां ढोंगी
बन्द करदी कोटडी री बारी
जकै स्यूं आंतो हो मांय
सूरज रो उजास,
कीड़ी नगरै नै आटो सींचणियां
ऊंदरा री रोळदट स्यूं
पिंड छुड़ाणै सारू
पाळ राखी है एक मिनकी,
 जे कदेई कोई
आज्यावै भूखो मिनख
मांगै रोटी रो टुकड़ो
दुतकार’र बीं नै
झट स्यूं ढक लैवे घर रो बारणो
फिरै है संवेदणा रो
मुखोटो लगायां
इंयाल’रा डाकी
जका समझै भोळै मिनखा नै
आपरा खाजरू !