भारत की संस्कृति के लिए... भाषा की उन्नति के लिए... साहित्य के प्रसार के लिए
प्रभु तव चरन किमि परिहरौं / हनुमानप्रसाद पोद्दार
Kavita Kosh से
Sharda suman (चर्चा | योगदान) द्वारा परिवर्तित 17:19, 3 जनवरी 2014 का अवतरण ('{{KKGlobal}} {{KKRachna |रचनाकार=हनुमानप्रसाद पोद्दार |अनुवादक= |स...' के साथ नया पन्ना बनाया)
प्रभु तव चरन किमि परिहरौं।
ये चरन मोहि परम प्यारे, छिन न इन ते टरौं॥
जिन पदनकी अमित महिमा, वेद-सुर-मुनि कहैं।
दास संतत करत अनुभव, रहत निसि-दिन गहैं॥
परसि जिनको सिला तेहि छिन बनी सुंदरि नारि।
घरनि मुनिवरकी अहल्या, सकौं केहि विधि टारि॥
इन पदन-सम सरन असरन दूसरौ कोउ नाहिं।
होइ जो कोउ तुम बतावहु, धाइ पकरौं ताहि॥
और बिधि नहिं टरौं टार्यौ, होइ साध्य सु करौं।
जल-जगत मकरंद-अलि ज्यौं, मनहि चरनन्हि धरौं॥
