भारत की संस्कृति के लिए... भाषा की उन्नति के लिए... साहित्य के प्रसार के लिए
पूठी आय जा मां / सुनील गज्जाणी
Kavita Kosh से
Neeraj Daiya (चर्चा | योगदान) द्वारा परिवर्तित 06:44, 11 मई 2014 का अवतरण ('{{KKGlobal}} {{KKRachna |रचनाकार=सुनील गज्जाणी |संग्रह=मंडाण / नीर...' के साथ नया पन्ना बनाया)
म्हारी गीली आंख्यां हरेक पल थनैं जोवै
सून्य नैं घूरती म्हारी निजरां
थारी ओळूं लावै अर
म्हारै मनड़ै नैं हींडा देवै
ठाह है म्हनैं कै
तूं है म्हारै एड़ै-गेड़ै ई
पण जीवड़ो अमूझतो रैवै
थारी ओळूं में
आंख्यां आली
मन सूखो-सूखो
नीं सैय सकूं बिछोह
घर लागै उजाड़ खेत ज्यूं
ए मां! तूं पूठी आय जा
मां, याद आवै म्हारै बालपणै री
याद आवै गोदी मांय तूं आपरै ओढणै सूं
म्हारै सागै हैस-पैस रमती
मां, तूं म्हनैं म्हारै बालपणै री और बातां बता
एकर छाती सूं चेप फेरूं लाड लडा
पूठी आय जा मां
तूं तो जननी है सिस्टी री
फेर कांई तीरथ है?
