भारत की संस्कृति के लिए... भाषा की उन्नति के लिए... साहित्य के प्रसार के लिए
भानुपुर बाजत बिपुल बधाई / हनुमानप्रसाद पोद्दार
Kavita Kosh से
Mani Gupta (चर्चा | योगदान) द्वारा परिवर्तित 19:48, 30 मई 2014 का अवतरण ('{{KKGlobal}} {{KKRachna |रचनाकार=हनुमानप्रसाद पोद्दार |अनुवादक= |...' के साथ नया पन्ना बनाया)
भानुपुर बाजत बिपुल बधाई।
आनँद-घन आनंदिनि कन्या कीरति रानी जाई॥
अति कमनीय रूप अतुलित सुचि प्रेम-सुधा-रस-वर्षी।
अखिल जगत-जित बिस्व-बिमोहन मोहन-मन आकर्षी॥
उदये भानु भानु-घर कोटिन दुति उज्ज्वल छिति छाई।
बिनस्यौ काम-कलुष तम कोटिन ससि सीतलता आई॥
जाके दरसन कौं सुर-मुनि नित सकल लोक ललचावैं।
सोइ हरिप्रिया कीर्ति क्रोड़हि ले हरषित हिय हलरावैं॥
धन्य भए बृषभान सराहत भाग्य भुवन मुनि-ग्यानी।
जिनके घर प्रगटीं हरि की हृदयेस्वरि राधारानी॥
