भारत की संस्कृति के लिए... भाषा की उन्नति के लिए... साहित्य के प्रसार के लिए
धोलो-पंखेरू / कुंदन माली
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 06:04, 20 जून 2014 का अवतरण ('{{KKGlobal}} {{KKRachna |रचनाकार=कुंदन माली |संग्रह=जग रो लेखो / कुं...' के साथ नया पन्ना बनाया)
जिण वखत उणने
कोई देखणो इज नीं चावैं
वो उण वखत पण
दिख जाव
जिण ठिकाणे उणने
कोई राजीखुसी नीं बुलावै
वो वठै पण
टिक जावै
जाण बजार में उणने
कणी भाव इज नीं पूछै
वो वठै पण
हाथूं हाथ बिक जावै
जिण संगत में वो
लोगां ने फूटी आंख नीं सुहावै
वठै पण वो
मनचायो बोल जावै
जिण मोकै उणरी
कोडी बरोबर पूछ नीं हुवैं
उण मोकै पण वो
ठाठ सूं
धिक जावै
अै सैंग बातां-
कांई बतावै ?
जै कोई म्हारो
जवाब सुगणौ चाव
तो सै सूं पैली
म्हनें यो तो समझावै
क’ बै मिनख री
बात करै है क’
सफेद झक्क बुगला री ?
