पहिराबथि से पुहुपक हारे / मैथिली लोकगीत

मैथिली लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

पहिराबथि से पुहुपक हारे
मुखसँ आँचर छन-छन टारे
दुहु कर झांपल हम बरु नारी
कर टारथि हरि कहि परतारी
नयनक पलक लगाओल नीके
पलक उघारथि चैन न जी के
भूषण साजथि से बरजोरी
श्याम किरण सहि श्यामलि गोरी
बल कय पुहुपक शयन सुताय
हम धनि मुइलहुँ सहमि लजाय
उर-सर फूल भमर कर पाने
जत छल मान कयल हम दाने
कुमर कठिन निशि बीतल आजे
परम निठुर थिक पुरुष समाजे
कथि लय कहब हम किछु भल मन्दा
मनसिज हतब हतब हम चन्दा