जैपर जाइओ जी ढोला / हरियाणवी

हरियाणवी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

जैपर जाइओ जी ढोला
हम नै बंद बंगड़ी का चा
कौण निरखैगा हे गोरी
तेरा पिआ बसै परदेस
चिट्ठी लिख भेजूं जी ढोला
थम तो सांझ पड़ी घर आओ
किस बिध आऊं हे गोरी
मेरी मायड़ कै चढ़ रह्या ताप
क्यूं ब्याही थी जी ढोला
मेरा ब्याह कै मार्या मान
न्यूं ब्याही थी ए गोरी
मेरा घर का करिओ काम
आग लगाद्यूं जी ढोला
थम तो खड्या तमासा देखिओ जी
इसी मत करिओ रे गोरी
मेरी सात फेरयां की नार
ना मर जइयो हे गोरी
तेरे बिना तज द्यूं सारा संसार
इब समझे ओ जी ढोला
थारा घर बसाऊं दिन रात