वदनपै वारों तन मन प्रान / स्वामी सनातनदेव

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

स्वामी सनातनदेव » माधुर्य-मकरन्द »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अनुपम वदनारविन्द ॥61॥
राग भूप-कल्याण, तीन ताल 22.7.1974

वदन पै वारों तन मन प्रान।
निरखि अनूपम छबि मोहन की भूले लोचन-बिहग उड़ान।
सोहत सिखि-सिखण्ड सिर पै सखि! मानहुँ काम-केतु <ref>कामदेव की ध्वजा</ref> फहरान।
कारी घुँघरारी अलकावलि राजत अलि-कुल भीर समान॥1॥
जुगल भृकुटि बिच तिलक अनूपम, मनहुँ मार तानेहु धनु-बान।
खंजन-नयन निरखि सो भयबस ठिठकि रहे नहिं भरहिं उड़ान॥2॥
मणि-कुण्डल सोहहिं स्रवनन में, मोहहिं कल कपोल-झलकान।
सोहहिं मनहुँ उभय दिसि दरपन झलमल-झलमल झलक महान॥3॥
नासा-बेसर की अनुपम छबि चुगत कीर जनु जलज सुहान।
अरुन अधर बिच दन्तावलि जनु जलज<ref>कमल</ref> कलिन बिच जलज<ref>मोती</ref> वितान॥4॥
मनमोहनि मुसकनि मोहन की, चितवन मनहुँ मदन के बान।
कहँ लगि सुखमा कहहुँ वदन की, मेरी तो यह जीवन-प्रान॥5॥

शब्दार्थ

<references/>