प्रीतम! तुम मेरे हिय बिलसत हो / स्वामी सनातनदेव

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

स्वामी सनातनदेव » माधुर्य-मकरन्द »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

राग गौड़-मलार कहरवा 30.8.1974

प्रीतम! तुम मेरे हिय बिलसत हो।
हिय की नस-नस मंे रस छायो, रस की रिम-झिम-सी बरसत हो॥
हिय की कली-कली हुलसत है जब रति की कछु गति दरसत हो।
सिहरन सी कछु होत हिये में जब निज सरस सुरति विकसत हो॥1॥
मन के मीत तुमहि मनमोहन! मो मन-बन में नित विहरत हो।
निज विहार के रस उदारसों हिय के सकल कलुष करषत हो॥2॥
मो मन-गगन विमल-बिधु हो तुम रज-तममय<ref>रजोगुण, तमोगुणरूप</ref> रज-तम<ref>धूलि और अन्धकार</ref> विनसत हो।
सुद्ध सत्वमयि निज कौमुदि<ref>चाँदनी, कान्ति</ref> सों रति-रसमयि कुमुदिनि विकसत हो॥3॥
चलत कलित चिन्मयी केलि तब, तासों मन कन-कन सरसत हो।
भयो निहाल लाल! तव रति रसि, रसि-रसि हूँ ताकों तरसत हों॥4॥

शब्दार्थ

<references/>