यह मन भयो कहा कछु बौरो / स्वामी सनातनदेव

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

स्वामी सनातनदेव » माधुर्य-मकरन्द »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

राग खम्भावती, कहरवा 27.6.1974

यह मन भयो कहा कछु बौरो।
जानत है कछु सार न जगमें, तदपि जात उत दौरो॥
मैं समुझाय थक्यौ मनमोहन! तदपि सुनत नहिं सौरो।
पुनि-पुनि इत-उत ही भटकत है, टिकत नाहिं इक ठौरो॥1॥
है उन्मत्त सुरापी<ref>शराबी</ref> सो खल, मानत कछु न निहोरो।
तुमहिं छाँड़ि चाहत विषयनकों, मूढ कहों वा बौरो॥2॥
अपनो बल कछु काम न कीन्हों, तुव करुनापे जोरो।
चरन-सरन अब तकी तिहारी, तुमसों यही निहोरो॥3॥
ऐसो करहु न रहै याहि अब कोउ दूसरी ठौरो।
बनै तिहारे पद-पंकजको अति लोलुप यह भौंरो॥4॥
गुनगुनाय गुनगन नित धुनिसों, सुनै न दूजो सोरो।
रुचि-रुचि पिये निरन्तर प्रीतम! तुव रति-रस सिरमौरो॥5॥

शब्दार्थ

<references/>