भारत की संस्कृति के लिए... भाषा की उन्नति के लिए... साहित्य के प्रसार के लिए
धरम अर धरती / राजू सारसर ‘राज’
Kavita Kosh से
आशिष पुरोहित (चर्चा | योगदान) द्वारा परिवर्तित 13:34, 28 जनवरी 2015 का अवतरण ('{{KKGlobal}} {{KKRachna |रचनाकार=राजू सारसर ‘राज’ |अनुवादक= |संग्र...' के साथ नया पृष्ठ बनाया)
लोग
धरम बेच खावै
अधरमी बणैं
पण अै भूखा नीं
धाप्योडा है।
भूखा बेचै तो सांसौ नीं
अै कुकरमी
करै कुकरम
धरम री ओट में
कुटेवी अर छळिया।
बेच’र निज रौ धरम।
घणा ऐब पाळै
करै काळा करम
सुख रा अलेखूं साधन
उपजावण सारू
कूड रा बौपारी
धोळी चामडी काळो लोई
मानखै रै बीच खोदै खाई
मानखै रै लोई रा दाग
धोवै सोरमी साबणां सूं
चै’रे उपर कळखारी
मुळकाण लियां।
लोगां नै भरमावण सारू
अैक दूजै रास गुणगान/काट
अै काळी भैडां,
कुण बचासी मानखै नैं
आं पीवणां सूं
कोई निगै नी आवै
आ धरती आं रै जीव नैं रोवै।
लागै धरती माथै
मिनखपणों मिटग्यो।
