भारत की संस्कृति के लिए... भाषा की उन्नति के लिए... साहित्य के प्रसार के लिए
माजणों / राजू सारसर ‘राज’
Kavita Kosh से
आशिष पुरोहित (चर्चा | योगदान) द्वारा परिवर्तित 16:21, 28 जनवरी 2015 का अवतरण ('{{KKGlobal}} {{KKRachna |रचनाकार=राजू सारसर ‘राज’ |अनुवादक= |संग्र...' के साथ नया पृष्ठ बनाया)
गरीबां रां
लोई पी-पी’र
हाथी बणयौड़ौ,
थूं जका नैं समझै
कादै रा कीड़ा,
बै ई पाळै
थारो मोटौ पेट।
उणां पसेवां रै
पांण खड़्या है
अै थारा डीगा मै ’ल-माळिया
थारी गौरी
चामड़ी पर चिकणा’ट
उणां रै परताप सूं
बापरै थारै सातूं सुख
पण
धन रै आफरै में
अेहसाण-चूक होयौड़ौ थूं
आ नीं भूलै’कै
अमींरा नै रोटी
जद तांईं मिलै
जद तांईं गरीबा रो
पेट खाली है
आंख में पाणी है।
अै चींथिजती
कीड़ियां जे
विद्रोह माथै उतरै
तो हाथी रै माजणों
कांई है?
