भारत की संस्कृति के लिए... भाषा की उन्नति के लिए... साहित्य के प्रसार के लिए
सोचेजस्तो हुन्न जीवन / दिनेश अधिकारी
Kavita Kosh से
Sharda suman (चर्चा | योगदान) द्वारा परिवर्तित 19:55, 4 फ़रवरी 2015 का अवतरण ('{{KKGlobal}} {{KKRachna |रचनाकार=दिनेश अधिकारी |अनुवादक= |संग्रह= }} {...' के साथ नया पृष्ठ बनाया)
सोचेजस्तो हुन्न जीवन
सम्झेजस्तो हुन्न जीवन
जस्तो भोग्यो उस्तै हुन्छ
देखे जस्तो हुन्न जीवन
पीरहरु बटुलेर रोइरहुँ जस्तो लाग्छ
खुसीहरु समेटेर हाँसिरहुँ जस्तो लाग्छ
आँसु आँसु हुन्न जीवन
खुसी खुसी हुन्न जीवन
देख्यो जति उस्तै हुन्छ
रोजेजस्तो हुन्न जीवन
घाम ताप्न पर्खिबस्यो पानी उसै बर्सिदिन्छ
अँध्यारोमै रमुभन्दा उज्यालो पो चर्किदिन्छ
पानी पर्नु पनि जीवन
घाम ताप्नु पनि जीवन
एउटा रोज्यो अर्कै मिल्छ
खोजेजस्तो हुन्छ जीवन
