फगुआ / चन्द्रमणि

नाधिन तिनक धिन नाधिन तिनक धिन
बाजि रहल मृदंग रे
बिनु पिउनहि फगुआमे मनुआ नाचै
मोर मत्तंग रे।।
नवरंगक परिधान पहिरिकऽ
धरती गगनकें नौंते
खेत-खेत मुस्कान सुमनकें
गुज्जिंत अलिकुल सौंसे
छमकि गुजरिया चलै डगरिया चुनरी रंग बिरंग रे।।
जोहि रहल जे बाट पियारी
प्रियतम के मासो सँ
प्रेम-सिंधुमे डूबि रहल अछि
प्यासल जे बरिसो सँ
मर्यादा छथि बिसरल सबटा कृष्ण राधिका संग रे।।
पिचकारी दै प्रेम फुहारा
सबतरि लाले लाल
रगड़ि गुलाल लालकय देलनि
भइया भउजीक गाल
उमरि गेलै आवारा यौवन सबठाँ एकहि रंग रे।।
घर-घर मे उत्सव केर बेला
गमकि बेलै पकवान
जन-जनमे अछि प्रेम समायल
कण-कण में भगवान
रहल केओ ने राजा रानी आइ केओ ने रंक रे।।

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

फगुआ / चन्द्रमणि

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग