भारत की संस्कृति के लिए... भाषा की उन्नति के लिए... साहित्य के प्रसार के लिए
कतहीं चइता कतहीं फाग / सूर्यदेव पाठक 'पराग'
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 13:34, 30 मार्च 2015 का अवतरण
कतहीं चइता कतहीं फाग
आपन डफली आपन राग
राहजनी बा डेगे-डेग
चोर-उचक्का बा बेदाग
घोटालन के आइल बाढ़
तबहूँ सबके माथे पाग
माली चौकस सींचे रोज
काहे सूख रहल बा बाग
कतहीं काजू किशमिश भोग
अबहूँ दुलम कहीं बा साग
के तइयार, सुनी फरियाद
आपन करनी, आपन भाग
