भारत की संस्कृति के लिए... भाषा की उन्नति के लिए... साहित्य के प्रसार के लिए
काहे उनका अभी खबर नइखे / सूर्यदेव पाठक 'पराग'
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 13:42, 30 मार्च 2015 का अवतरण
काहे उनका अभी खबर नइखे
कइसे उनका कहीं डगर नइखे
नाव बन्हले रहे द घाटे पर
खेवे लायक अगर लहर नइखे
मन इहाँ के तरे भला लागो
हमरा लायक जगह शहर नइखे
कोई चहलो प मर सकी कइसे
शुद्ध मिलतो जहाँ जहर नइखे
बाहरे से भले जुटल लागे
जे बँटाइल ना, एको घर नइखे
कोई डर जाय उनका हरकत से
उनका केहू से तनिको डर नइखे
आज कहवाँ ‘पराग’ लउकत बा
खून से जे जमीन तर नइखे
