भारत की संस्कृति के लिए... भाषा की उन्नति के लिए... साहित्य के प्रसार के लिए
अपन पान आ मखान / नरेश कुमार विकल
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 22:33, 22 अप्रैल 2015 का अवतरण ('{{KKGlobal}} {{KKRachna |रचनाकार=नरेश कुमार विकल |संग्रह=अरिपन / नर...' के साथ नया पृष्ठ बनाया)
ने मजा रूसे मे छै ने अमेरिके मे छै
मजा छै ने ई चीन आ जापान मे
जे मजा छै अपन पान आ मखान मे।
भोर सींथक सिंगार सांझ महफा-कहार
स्वर्ग एखनो छै गाछीक मचाने मे
ई मजा छै ने अफरिका-ईरान मे।
कोशी-कमलाक कात खोंटथि करमीक पात
जे मजा छै घोघ तऽर कें मुस्कान मे
ओ मजा छै ने सुरूज आ चान मे।
देखू मंडन आ चन्दा-अयाची
पाग कोकटीक आर धोती साँची
बहुतो विद्यापति बैसल बथान मे।
भोर भैरव मनाएब सांझ शिवकें सजाएब
ओना भक्ति छै सभ भगवान मे
बसल मिथिला छै सीताक परान मे।
