व्योमासुर-वध / कृष्णावतरण / सुरेन्द्र झा ‘सुमन’

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुरेन्द्र झा ‘सुमन’ » कृष्णावतरण »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

ग्वाल-बाल सब अंग संग गोपाल कृष्ण वन पहुँचल जाय
वृन्दावनकेर सघन कुंजमे पुंजित भय नव खेल रचाय
देखल श्याम नाम-चाकर क्यौ अनट पहुँचि किछु करय झमेल
दौड़-धूपमे उठा-पटकमे नवे ढंगसँ रचइछ खेल
एक-एककेँ फुटा कुठामहि उठा लैछ कहुँ कान्ह चढ़ाय
गुहा-खोहमे राखि अबैछ घुमैछ एकसर दौड़ लगाय
चिन्हि लेलनि व्योमासुर मायावी थिक, लगले पहुँचि निकट
कान्ह कोन्हायल जाय कान्हपर चढ़ि हुमुचल तत जोर विकट
चिचिआयल-किकिआयल व्योमासुर भोंभाँ करइत भय त्रस्त
अपन रूपमे मृत्यु-समय सहजहि प्रकटल मायावी ध्वस्त