भारत की संस्कृति के लिए... भाषा की उन्नति के लिए... साहित्य के प्रसार के लिए
तेरी मुट्ठी में ज्यान मेरी / मेहर सिंह
Kavita Kosh से
Lalit Kumar (चर्चा | योगदान) द्वारा परिवर्तित 11:12, 8 फ़रवरी 2016 का अवतरण ('{{KKGlobal}} {{KKRachna |रचनाकार=मेहर सिंह |अनुवादक= |संग्रह= }} {{KKCatHaryan...' के साथ नया पृष्ठ बनाया)
जवाब सोमवती का
मनै भली बता बदमास तेरे संग ले राक्खे फेरे
तेरी मुट्ठी में ज्यान मेरी।टेक
तेरे तैं या किस नै बात कही सै
जो तेरे जचगी सही सही सै
नहीं सै जड़ै पति पत्नि में विश्वास, उड़ै कै बस्या करैं डेरे
न्यू कहगे विदवान खरी।
के बिगड़ग्या शेरखान का
दुश्मन बणग्या मेरी ज्यान का
जाईयो बेइमान का नास कित उल्टे पासे गेरे
करग्या वो जात बिरान मेरी।
पिया तेरे चेहरे ऊपर जर्दी
तनै मेरे गळ पै कटारी धर दी
तनै तै मेरी कर दी पूरी आस बहोत घणे लाड करे मेरे
उमर लाओ भगवान तेरी।
मेहरसिंह कोन्या पद थ्यावण का
ऐब तेरै लाग्या मुंह बावण का
तन्नै ना गावण का अभ्यास बहोत रंग देख लिए तेरे
होरी अकल हैरान तेरी।
