भारत की संस्कृति के लिए... भाषा की उन्नति के लिए... साहित्य के प्रसार के लिए
कबूत्तर / कुंदन अमिताभ
Kavita Kosh से
Lalit Kumar (चर्चा | योगदान) द्वारा परिवर्तित 16:16, 9 मई 2016 का अवतरण ('{{KKGlobal}} {{KKRachna |रचनाकार=कुंदन अमिताभ |अनुवादक= |संग्रह=धम...' के साथ नया पृष्ठ बनाया)
बड्डी आसान छै
कबूत्तर दबोची लेना
ढेर कबूत्तर एक्के दाफी
पकड़ना छौं तेॅ
एगो चाँग लेॅ
एक दू ठो पकड़ना छौं
तेॅ एगो मुंजेला
ओकरा
मोटऽ रकम करची सें
टिकाय केॅ
हेतऽ में भुकाय केॅ
ठाढ़ऽ करऽ
करची सें लम्बा डोरऽ
बाँधी लेॅ
डोरऽ के एगो छोर
आपनऽ हाथऽ में
राखी केॅ
चाँग या मुंजेला तरऽ में
अनाज छींटी केॅ
ओसरा दन्नेॅ
औढ़ी में नकाय जाहो
कबूत्तर
गूटूरगूँ करने ऐथौं
चाँग या मुंजेला तरऽ के अनाज
खाबै में
जेन्हैं मस्त होथौं
झट डोरऽ खींची लेॅ
फँसलऽ कबूत्तर केॅ
झट सेॅ दबोची लेॅ
कबूत्तर दबोचना
कत्तेॅ आसान छै
कबूत्तर होय छै
शान्ति केरऽ चेन्हऽ
शान्ति केॅ दबोची लेना
कि एतने आसान छै?
