भारत की संस्कृति के लिए... भाषा की उन्नति के लिए... साहित्य के प्रसार के लिए
वीर शिवाजी / माँटी हिन्दुस्तान के / राहुल शिवाय
Kavita Kosh से
Rahul Shivay (चर्चा | योगदान) द्वारा परिवर्तित 06:02, 13 मई 2016 का अवतरण (Rahul Shivay ने वीर शिवाजी / माटी हिन्दुस्तान के / राहुल शिवाय पृष्ठ [[वीर शिवाजी /माँटी हिन्दुस्तान के /...)
वीर मराठा छत्रापति जे
वीर शिरोमणी धीरमति जे
जेकरोॅ अभियो तक ई धरती
गाबै छै गुणगान,
वीर शिवाजी ई माटी के
सच्चा ठो संतान ।
जीजाबाई-संस्कार केॅ
वीर मराठा रो विचार केॅ
अपनोॅ माटी, धरम सेॅ जेकरा
रहै-रहै अभिमान
वीर शिवाजी ई माटी के
सच्चा ठो संतान ।
रामदास रोॅ शिष्य निराला
स्वाभिमान सिखलाबै वाला
बुद्धिमान ई बाहुबली सेॅ
शत्रु तेॅ हैरान
वीर शिवाजी ई माटी के
सच्चा ठो संतान ।
रचनाकाल-19 फरवरी 2014
