असमंजस / अनिरुद्ध प्रसाद विमल

आबेॅ तोहीं बताबॅ मीत!
हे हमरॅ परानॅ के परान!
कोन मुँह लैकेॅ
वही रास्ता सें होयकेॅ
निराश लौटी केॅ जैबै हम्में?
पूछतै तेॅ की बतैबे हम्में?

निराशा से भरलॅ हमरॅ लटकलॅ मुँह देखी केॅ
की सोचतै वें
केना केॅ की उत्तर देबै हम्में?
केना केॅ पार उतरबै हम्में?
केना केॅ कहबै...
कि जेकरा लेली मरली-हफसलो
दुलहिन नांकी सजली ऐली छेलियै
ऊ मीत हमरॅ नै ऐलै।

केकरा कहिये
आपनॅ ई दुख
केकरा सुनैइयै
आपनॅ मनॅ के बात
के सुनतै
केकरा फुरसत छै
हों, सखी चानन ने पूछतै जरूर
हेना में आबी केॅ तोहीं बताबॅ प्रीतम
हम्में की कहबै?

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

असमंजस / अनिरुद्ध प्रसाद विमल

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग