भारत की संस्कृति के लिए... भाषा की उन्नति के लिए... साहित्य के प्रसार के लिए
तोंय चंदन बनी महकोॅ सगरोॅ / अश्विनी
Kavita Kosh से
Lalit Kumar (चर्चा | योगदान) द्वारा परिवर्तित 23:42, 26 मई 2016 का अवतरण ('{{KKGlobal}} {{KKRachna |रचनाकार=अश्विनी |अनुवादक= |संग्रह= }} {{KKCatAngikaRach...' के साथ नया पृष्ठ बनाया)
तोंय चंदन बनी महकोॅ सगरोॅ
हम्में पलाश बनी लहकै छी
ऊ हवा केॅ रोकी बात करोॅ
जे मलयगिरी सें आवै छै
ममता रोॅ मिठ्ठोॅ थपकी सें
सुक्खोॅ के नीन सुलावै छै
युग-प्राण, शांति-सम्पन्न-सरल
हमें मीत बनी केॅ महकै छी
वन-आंगन गाछी सें भरलो
जीवन-सरिता सें सींचै छै
कामोॅ-ऊर्जा केॅ मोड़ी केॅ
उत्सव रोॅ गति तांय खींचै छै
कर्मोॅ बंशी के धुनोॅ पर
सब थिरकय छी सब बहकै छी
