भारत की संस्कृति के लिए... भाषा की उन्नति के लिए... साहित्य के प्रसार के लिए
पिया आगिन बैशाख-2 / ऋतुरंग / अमरेन्द्र
Kavita Kosh से
Lalit Kumar (चर्चा | योगदान) द्वारा परिवर्तित 03:30, 27 मई 2016 का अवतरण ('{{KKGlobal}} {{KKRachna |रचनाकार=अमरेन्द्र |अनुवादक= |संग्रह=ऋतुरं...' के साथ नया पृष्ठ बनाया)
पिया आगिन बैशाख।
अगहन चिरैया के जरी गेलै पाँख
पिया आगिन बैशाख।
धाने रङ धरती केॅ उसनै छै भाँपै
सुरजोॅ केॅ देखी केॅ आगिनो भी काँपै
हम्में तेॅ कोयले रङ जरी-जरी केॅ राख
पिया आगिन बैशाख।
परदेशो मेघ पिया पाहुन अलोपित
बाँझोॅ के कोखी रङ मोॅन बड़ी कलपित
जहिये सें गिरलोॅ छै चैतोॅ के साख
पिया आगिन बैशाख।
तपलोॅ बैशाख है तेॅ पकिया कसाय छै
जेकरोॅ आय हाथोॅ में जिनगी के गाय छै
छोड़वाँ ै छोड़ै छै डिकरै छै लाख
पिया आगिन बैशाख।
-26.4.2000
