भारत की संस्कृति के लिए... भाषा की उन्नति के लिए... साहित्य के प्रसार के लिए
वसन्त के बारात / ऋतु रूप / चन्द्रप्रकाश जगप्रिय
Kavita Kosh से
Lalit Kumar (चर्चा | योगदान) द्वारा परिवर्तित 22:18, 30 मई 2016 का अवतरण ('{{KKGlobal}} {{KKRachna |रचनाकार=चन्द्रप्रकाश जगप्रिय |अनुवादक= |स...' के साथ नया पृष्ठ बनाया)
जैना शिशिर के जाय के ताकोॅ मेॅ
बैठलोॅ रहेॅ उल्लास के संगीत
आरो शिशिर की गेलै
सबसेॅ पहिलेॅ सुग्गैं देलकै सनेश
वसन्त के आवे के
खोड़र मेॅ बैठी केॅ नै
धरती आरो सरंग के बीच
आपनोॅ संगीत गुंजैतेॅ हुएॅ
टें, टें, टें।
तबेॅ चुप केना बैठतियै मैना
अपनोॅ महीन आवाज सेॅ
गाँव-गाँव केॅ बताय देलकै
वसन्त बारात लैकेॅ आवी रहलोॅ छै।
ई सुनी केॅ पपीहौं कहलकैं ‘हों’
हारिलो कहलकै ‘हों’
आरो जानेॅ कहाँ नुकेलोॅ
भौरौं कहलकै-
झुट्ठे बात थोड़े छेकै
बसन्त बारात लै केॅ
आवी नै रहलोॅ छै,
बारात तेॅ द्वार लागी गेलोॅ छै।
