भारत की संस्कृति के लिए... भाषा की उन्नति के लिए... साहित्य के प्रसार के लिए
मौसम ऐलै हो... / श्रीस्नेही
Kavita Kosh से
Lalit Kumar (चर्चा | योगदान) द्वारा परिवर्तित 00:30, 7 जून 2016 का अवतरण ('{{KKGlobal}} {{KKRachna |रचनाकार=श्रीस्नेही |अनुवादक= |संग्रह=गीत...' के साथ नया पृष्ठ बनाया)
मौसम ऐलै हो अलबेला धरती के धानी चोला,
पौधा गाबै छै कजरिया भैया झूमी-झूमी केॅ।
सर-सर-सर-सर हवा चलैछै गोछी सिनी हलरावै।
बीचऽ बीचऽ में टपकै बुंदिया मनेमऽन मुस्कावै॥
हर-हर-हर-हर पनिया बोलै खेतबा के मऽन डोलै।
नदी-नहरिया ताल-तलैया बेंगा राजा बोलै॥
सी-सी तुतरु, धम-धम ढोलक झम-झम मांजर झाल।
नीलऽ अकाशऽ के पिन्हीं चुनरिया गोछी चललि ससुराल॥
मौसम ऐलै हो अलवेला धरती के धानी चोला,
पौधा गावै छै कजरिया भैया झूमी-झूमी के।
