भारत की संस्कृति के लिए... भाषा की उन्नति के लिए... साहित्य के प्रसार के लिए
तोरे कहाँ भरोसोॅ रहलै / चन्द्रप्रकाश जगप्रिय
Kavita Kosh से
Lalit Kumar (चर्चा | योगदान) द्वारा परिवर्तित 01:01, 8 जून 2016 का अवतरण ('{{KKGlobal}} {{KKRachna |रचनाकार=चन्द्रप्रकाश जगप्रिय |अनुवादक= |स...' के साथ नया पृष्ठ बनाया)
तोरे कहाँ भरोसोॅ रहलै
प्राण यही सोची केॅ दहलै।
ई दुनिया में प्रेम-नेम सब
कुछ देरी के हँसी खेल रं,
कुछ क्षण उमड़ै, कुछ क्षण, छिटकै
बादल-बिजली जकां मेल रं;
बाकी तेॅ आँसू के बोहोॅ,
केना केॅ ई जी दिल बहलै?
प्रण लेवोॅ, विश्वास दिलैवोॅ
खेल-खिलौना, हुक्का-पाती,
साँझै जरतै, साँझे बुझतै
मन के मोह; जेना संझवाती
भीत बनैलेॅ छैलां ऊ जे
राते रात केना केॅ ढहलै?
चंचल जग में की छै इस्थिर
नै प्राणी, नै प्रेम-नेम कुछ
सबके एक विलय में लय छै
पूछोॅ नै तों कुशल-क्षेम कुछ;
भरम टूटथैं थुकचोॅ छै मन
कोय्यो विधि सें ई नै बहलै।
