भारत की संस्कृति के लिए... भाषा की उन्नति के लिए... साहित्य के प्रसार के लिए
के तोहें छेका सच कहियोॅ / चन्द्रप्रकाश जगप्रिय
Kavita Kosh से
Lalit Kumar (चर्चा | योगदान) द्वारा परिवर्तित 01:02, 8 जून 2016 का अवतरण ('{{KKGlobal}} {{KKRachna |रचनाकार=चन्द्रप्रकाश जगप्रिय |अनुवादक= |स...' के साथ नया पृष्ठ बनाया)
के तोहें छेका सच कहियोॅ,
मन पूछै छी, चुप नै रहियोॅ।
कभी चाँदनी रं दिखलावौ
कभी घटा के नीचेॅ आवौ,
कभी फूल के गंध बनी केॅ
वन के बीचो बीच बुलावौ,
जेकरा सुनी-सुनी मन पुलकै
जनम जनम के कथा सुनावौ;
एतनौ सुख जों मिलै छै हमरा
बेसी की आरो ही चहियोॅ।
नींद बनी केॅ कखनी आवौ
कखनी सपना में उतरावौ,
कखनी साथ छुड़ैलेॅ जाय छौ
कखनी हमरा हृदय लगावौ?
कुछ के भान कहाँ छै हमरा
कखनी बांधौ, बंध छुड़ावौ,
हे रं ऐवोॅ की ऐवोॅ ई
एक दिन सचमुच में ही अइयोॅ!
