भारत की संस्कृति के लिए... भाषा की उन्नति के लिए... साहित्य के प्रसार के लिए
चाँद / अमरेन्द्र
Kavita Kosh से
Rahul Shivay (चर्चा | योगदान) द्वारा परिवर्तित 01:05, 11 जून 2016 का अवतरण ('{{KKGlobal}} {{KKRachna |रचनाकार=अमरेन्द्र |अनुवादक= |संग्रह=ढोल ब...' के साथ नया पृष्ठ बनाया)
चंदा मामा आरे आवोॅ
नदिया किनारे आवोॅ
पानी मेॅ नहैवोॅ दोनों
गीत खुशी रोॅ गैवोॅ दोनों
तोहरोॅ गोरोॅ-गोरोॅ देह
धूल सें होथौं कारोॅ देह
यही डरेॅ नै आवै छोॅ
पन्द्रह रोज सतावै छोॅ
चंदा मामा आवोॅ नी
खिस्सा कोय सुनावोॅ नी
माय के देलोॅ रोटी केॅ
दूध सेॅ भरलोॅ बाटी केॅ
बड़ी छिपाय केॅ राखलेॅ छी
अभियोॅ तक नै खेलेॅ छी
चंदा मामा आवी जा
आरो दूर नै भागी जा
आवोॅ, खैवोॅ रोटी केॅ
दूधोॅ आधोॅ बाँटी केॅ
मिली-जुली केॅ साथोॅ मेॅ
हाँसवोॅ-खेलवोॅ रातोॅ मेॅ।
