भारत की संस्कृति के लिए... भाषा की उन्नति के लिए... साहित्य के प्रसार के लिए
गाँधी बाबा / अमरेन्द्र
Kavita Kosh से
Rahul Shivay (चर्चा | योगदान) द्वारा परिवर्तित 01:08, 11 जून 2016 का अवतरण ('{{KKGlobal}} {{KKRachna |रचनाकार=अमरेन्द्र |अनुवादक= |संग्रह=ढोल ब...' के साथ नया पृष्ठ बनाया)
अंगरेजोॅ लेॅ बड़का आँधी
सबसें बड़ोॅ महात्मा गाँधी
गाँधी पिन्है एक लँगोटी
गाँधी जी रोॅ बड़के लाठी
गाँधी जी रोॅ चश्मा गोल
सौंसें देह तेॅ झोंलगा झोल
गाँधी जी रोॅ बन्दर तीन
अलगे-अलग बजावै बीन
बच्चा कहैµनै सोना-चाँदी
सबसें बड़ोॅ महात्मा गाँधी ।
धुम्मा
एत्तेॅ केना मोटावै छै
थुलथुल धुम्माँ आवै छै
माथोॅ दूधोॅ के चुक्का रं
केकरो-केकरो हुक्का रं
पेट भोजोेॅ के हड़िया रं
माथोॅ लगै छै कुढ़िया रं
मिनिर-मिनिर की गावै छै
थुलथुल धुम्माँ आवै छै ।
गोड़ उठै छै थुबुक-थुबुक
चिड़ियैं नाँखी फुदुक-फुदुक
पिन्हलेॅ छेलै नया खड़ाम
धुम्माँ गिरलै चित्त धड़ाम
कुरल्होॅ जाय नेंगचावै छै
थुलथुल धुम्माँ आवै छै ।
