भारत की संस्कृति के लिए... भाषा की उन्नति के लिए... साहित्य के प्रसार के लिए
मानुस तनमा दुरलभ / रामधारी सिंह 'काव्यतीर्थ'
Kavita Kosh से
Rahul Shivay (चर्चा | योगदान) द्वारा परिवर्तित 07:44, 11 जून 2016 का अवतरण ('{{KKGlobal}} {{KKRachna |रचनाकार=रामधारी सिंह 'काव्यतीर्थ' |अनुवा...' के साथ नया पृष्ठ बनाया)
मानुस तनमा दुरलभ भैया
मिलै नै बारंबार छै
देवता भी तरसतें रहलै
माँगलौ पर नै पावै छै ।
बड़ोॅ भाग छै हुनकोॅ जग में
नर-तन जौनें पैनें छै
वेद-पुराण, रामायणें गावै
गीता में भी कहनें छै ।
साधन धाम नर-तन ई देही
मुक्ति के दरवाजा छै
जे हेकरा केॅ नैं संभारै
लोक-परलोक नशावै छै ।
पराधीन होय यम के बंधन
दारुण दुख केॅ भोगै छै
बारंबार पछतावै मनवाँ
सिर धूनी केॅ रोवै छै ।
सत्संग में आवी केॅ प्राणी
मनोॅ के मैल दहावै छै
आत्मज्ञान बिना नर भटकै
भवसागर में गिरै छै ।
